رپورٹ عید الفطر 2022 :ریسکیو 1122چکوال

عید الفطر پر پلان کے مطابق مانیٹرنگ کی گئی اورتمام ریسکیورز نے بطریق احسن ڈیوٹیاں سر انجام دیں۔ڈسٹرکٹ ایمرجنسی آفیسرچکوال 136افراد کو عید ال...

ٹرک واپڈا کی مین لائن سے ٹکرا گیا لگنے والی آگ پر ریسکیو ٹیم نےمکمل قابو پا لیا

لہڑ سلطان پور: سلنڈر لیک ہونے کی وجہ سے دکان میں دھماکہ، ایک شخص زخمی

عید الفطر پر پلان کے مطابق مانیٹرنگ کی گئی اورتمام ریسکیورز نے بطریق احسن ڈیوٹیاں سر انجام دیں۔ڈسٹرکٹ ایمرجنسی آفیسرچکوال

136افراد کو عید الفطر پر ریسکیو کیا گیا,عید کے دوران  01فائرنگ سے جبکہ02افراد ڈوب کر جانبحق ہوئے۔ڈاکٹر عتیق احمد خان

چکوال (خرم منظور)عید الفطر2022کی چار روزہ رپورٹ کنٹرول روم ریسکیو 1122نے جاری کر دی جس کے مطابق چار دن میں 1223کالز موصول ہوئیں جبکہ ایمرجنسی کالز کی تعداد138تھی جن میں سے 38روڈ ٹریفک حادثات،72میڈیکل،03اونچائی سے گرنے،07آگ لگنے،05کرائم ایمرجنسیز،02ڈوبنے کے واقعات اور 11دیگرایمرجنسیزشامل ہیں،ان ایمرجنسیز میں 136افراد کو ریسکیو کیا گیا۔

 رپورٹ میں بتایا گیا کہ عید الفطر کے دنوں میں بکھاری خورد اور لنگاہ روڈ پر واقع دو منی ڈیمز میں 14سالہ حماد ولد سجاد اور 07سالہ سلیمان ولد تحصیل دار ڈوب کر جانبحق ہوگئے، روڈ ٹریفک حادثات کی تفصیلات کے مطابق 38روڈ ٹریفک حادثات میں 55افراد (42مرد،13خواتین(کو ریسکیو کیا گیا ان حادثات میں 32موٹر سائیکل،05 کاریں،02 رکشے اور 01وین شامل تھی زخمیوں میں ذیادہ افراد کی عمر21سے30سال تھی 23حادثات تیز رفتاری، 15حادثات بے احتیاطی کی وجہ سے رونما ہوئے ، عید کے دوران 05کرائم ایمرجنسیز بھی ڈیل کی گئیں جن میں 2گولی لگنے اور 03لڑائی جھگڑے کے واقعات شامل ہیں 

ان واقعات میں 01خاتون فائرنگ سے جانبحق ہوئی۔ آگ لگنے کی 07ایمرجنسیز پر بروقت رسپانس کیا گیا اور آگ پر قابو پایا گیاآگ لگنے کے واقعات میں کوئی جانی نقصان نہیں ہوا رپورٹ میں بتایا گیا کہ پیشنٹ ٹرانسفر سروس کے ذریعے عید کے دنوں میں 31 ایمرجنسی مریضوں کومتعلقہ ڈاکٹرز کی ہدایات کے مطابق ایڈوانس ٹریٹمنٹ کے لیے چھوٹے ہسپتالوں سے بڑے ہسپتالوں میں فوری باحفاظت منتقل کیا گیا جن میں 23مریضوں کو چکوال سے راولپنڈی کے ہسپتالوں جبکہ 08مریضوں کو ضلع کے اندر ہی منتقل کیا گیا،

ڈاکٹر عتیق احمد خان ڈسٹرکٹ ایمرجنسی آفیسرنے ریسکیورز کی کارکردگی پر اطمینان کا اظہار کرتے ہوئے کہا کہ تمام ریسکیورز اور ڈیوٹی آفیسرز نے اچھی کارکردگی کا مظاہرہ کیا جس پر وہ خراج تحسین کے مستحق ہیں انہوں نے کہا کہ خوش آئند بات یہ ہے کہ روڈ حادثات میں کوئی جانی نقصان نہیں ہوا لیکن 02افرادکا ڈوب کر جانبحق ہونا قابل افسوس ہے انہوں نے کہا کہ اس حوالے سے لوگوں میں شعور بیدار کرنے کی ضرورت ہے کہ حفاظتی انتظامات کو ہر موقع پر یقینی بنائیں،حادثات ہونے سے پہلے ان کے بارے حفاظتی انتظامات پورے کرنا ہم سب کی مشترکہ ذمہ داری ہے،

انہوں نے بتایا کہ ریسکیو 1122چکوال نے عیدالفطرکو پر امن بنانے اور کسی بھی ہنگامی صورتحال سے نمٹنے کیلیے اسٹیشن مانیٹرننگ آئی پی کیمروں اوروہیکل ٹریکر سسٹم کی مدد سے کی، ضلع بھر  کی تمام تحصیلوں میں  مختلف مقامات پر کی پوائنٹس بنائے گئے اور ریسکیورز کی اضافی ڈیوٹیاں لگائی گئیں جو کہ احسن انداز میں ادا کی گئیں مانیٹرنگ آفیسرز میں ایمرجنسی آفیسر ساجد حسین, سینئر اکاؤنٹنٹ ملک وقار,اسٹیشن کوارڈینیٹر ممتاز ابوبکر جبی, اسٹیشن کوارڈینیٹر ارسلان ادریس, ٹرانسپورٹ مینٹیننس انسپکٹر فیصل محمود اور ریسکیو اینڈ سیفٹی آفیسر خرم منظور شامل ہیں.

###

Central Station PESD Rescue 1122, Talagang Road Chakwal

 

پنجاب ایمرجنسی سروس ڈیپارٹمنٹ چکوال

No:MC/CHK(69-22)  

Date:06-05-22  

میڈیا کوارڈینیٹر

ریسکیو 1122چکوال

Contct:0334-8744708  

 avc.chakwal@gmail.com