عیدالاضحی2021، 20جولائی تا 22جولائی: ریسکیورپورٹ

چکوال (خرم منظور)عید الاضحٰی 2021کی20جولائی تا 22جولائی تین روزہ رپورٹ ڈاکٹر عتیق احمد خان ڈسٹرکٹ ایمرجنسی آفیسرریسکیو 1122نے جاری ک...

چکوال (خرم منظور)عید الاضحٰی 2021کی20جولائی تا 22جولائی تین روزہ رپورٹ ڈاکٹر عتیق احمد خان ڈسٹرکٹ ایمرجنسی آفیسرریسکیو 1122نے جاری کر دی جس کے مطابق تین دن میں 4899کالز موصول ہوئیں جبکہ ایمرجنسی کالز کی تعداد86 تھی جن میں سے 28ٹریفک حادثات،41میڈیکل،02اونچائی سے گرنے،01ڈوبنے،02اینیمل ریسکیو،کرنٹ لگنے کا 01،جبکہ کام کے دوران چوٹ لگنے کے 02واقعات اور 09دیگرایمرجنسیزشامل ہیں،ان ایمرجنسیز میں 85افراد کو ریسکیو کیا گیا۔ رپورٹ میں بتایا گیا کہ عید الاضحی کے دنوں میں لڑائی جھگڑا اور آگ لگنے کی کوئی اطلاع موصول نہیں ہوئی البتہ روڈ ٹریفک حادثات کی تفصیلات کے مطابق 28روڈ ٹریفک حادثات میں 32افراد (23مرد،09خواتین)کو ریسکیو کیا گیا جن میں 02موقع پردم توڑ گئے، ان حادثات میں 20موٹر سائیکل،04کاریں اور05 رکشے شامل تھے زخمیوں میں ذیادہ افراد کی عمر21سے30سال تھی 16حادثات تیز رفتاری جبکہ 12حادثات بے احتیاطی کی وجہ سے پیش آئے۔   ڈسٹرکٹ ایمرجنسی آفیسر نے ریسکیورز کی کارکردگی پر اطمینان کا اظہار کرتے ہوئے کہا کہ تمام ریسکیورز اور ڈیوٹی آفیسرز نے اچھی کارکردگی کا مظاہرہ کیا جس پر وہ خراج تحسین کے مستحق ہیں، خوش آئند بات یہ ہے کہ آگ لگنے اور لڑائی جھگڑا کا کوئی واقعہ رپورٹ نہیں ہوا انہوں نے مزید کہا کہ اس حوالے سے لوگوں میں شعور بیدار کرنے کی ضرورت ہے کہ حفاظتی انتظامات کو ہر موقع پر یقینی بنائیں،حادثات ہونے سے پہلے ان کے بارے حفاظتی انتظامات پورے کرنا ہر ایک کی ذمہ داری ہے۔ نہوں نے کہا کہ میڈیا اور کمیونٹی ونگ کے ذریعے افرادکی اپنی حفاظت اور بے جا کالز کے متعلق عوام میں شعور بیدار کرنے کی کوشش کررہے ہیں، ریسکیو 1122چکوال نے عیدالاضحی کو پر امن بنانے اور کسی بھی ہنگامی صورتحال سے نمٹنے کیلیے اسٹیشن مانیٹرننگ آئی پی کیمروں اوروہیکل ٹریکر سسٹم کی مدد سے کی، ضلع بھر کے مختلف مقامات پر کی پوائنٹس بنائے گئے اور ریسکیورز کی اضافی ڈیوٹیاں لگائی گئیں جو کی احسن انداز میں ادا کی جا رہی ہیں۔ پیشنٹ ٹرانسفر سروس کی تفصیلات بتاتے ہوئے ڈاکٹر عتیق احمد خان ڈسٹرکٹ ایمرجنسی آفیسر ریسکیو 1122چکوال نے کہا کہ گذشتہ تین دنوں میں 15 ایمرجنسی مریضوں کو ایڈوانس ٹریٹمنٹ کے لیے چھوٹے ہسپتالوں سے بڑے ہسپتالوں میں فوری باحفاظت منتقل کیا گیا جن میں سے14ایڈوانس میڈیکل آلات کی کمی اور 01 اسپیشلسٹ ڈاکٹر نہ ہونے کے باعث منتقل ہوئے۔ No:MC/CHK(193-20) Date:23-07-21 میڈیا کوارڈینیٹر   ریسکیو 1122چکوال Contct:0334-8744708   avc.chakwal@gmail.com Punjab Emergency Service Rescue 1122 Talagang Road Chakwal,Ph:0543666092