عیدالفطرکےموقع پرآئی پی کیمرےاوروہیکل ٹریکنک سسٹم سے نگرانی کیجائےگی، ریسکیو1122چکوال

عید الفطر2021کے لیے جامع پلان مکمل، خصوصی ڈیزاسٹر مینجمنٹ اینڈ فائر فائیٹنگ ٹیم بنا دی گئی، ریسکیورز اضافی ڈیوٹیاں کریں گے۔ڈاکٹر عتی...

پیرامیڈکس کے عالمی دن پر پیرامیڈکس کی خدمات کو خراج تحسین

موٹر سائیکل اور کار کے مابین تصادم، حادثے میں دو افراد جان بحق

عید الفطر2021کے لیے جامع پلان مکمل، خصوصی ڈیزاسٹر مینجمنٹ اینڈ فائر فائیٹنگ ٹیم بنا دی گئی، ریسکیورز اضافی ڈیوٹیاں کریں گے۔ڈاکٹر عتیق احمد خان جدید ترین کال ریکارڈنگ سافٹ وئیر،آئی پی کیمرے اور وہیکل ٹریکنگ سسٹم سے نگرانی کی جائے گی۔ڈسٹرکٹ ایمرجنسی آفیسر ریسکیو1122چکوال کم عمر بچوں کوگاڑی یا موٹرسائیکل چلانے کی اجازت نہ دیں، سیر و تفریح سے اجتناب کریں۔ساجد حسین ایمرجنسی آفیسر چکوال چکوال (خرم منظور) عید الفطر 2021کے موقع پرروڈ ٹریفک حادثات،موجودہ ایمرجنسی حالات کے پیش نظر کسی بھی ہنگامی صورت حال میں حالات پر قابو پانے اور شہریوں کو بروقت طبی امداد مہیا کرنے کے لئے ریسکیو 1122چکوال نے جامع ڈیوٹی پلان تیار کر لیاہے، 09دن کا روسٹر ترتیب دیا گیا ہے جس کے تحت ایک خصوصی  ڈیزاسٹر مینجمنٹ اینڈ فائر فائیٹنگ ٹیم بنائی گئی ہے۔  ا سکے علاوہ کرونا ایمرجنسی مریضوں کی منتقلی کیلئے بھی 2شفٹوں میں پیشہ وارانہ مہارت رکھنے والی ٹیمیں الرٹ رہیں گی،عید الفطر کو پر امن بنانے کے لئے ریسکیورز کی ہر قسم کی عمومی چھٹیاں منسوخ کر دی گئی ہیں عید روسٹر کے دنوں میں اضافی ڈیوٹیاں لگائی گئی ہیں،ان خیالات کا اظہار ڈسٹرکٹ ایمرجنسی آفیسر ریسکیو1122ڈاکٹر عتیق احمد خان نے ریسکیو اسٹیشن پر افسران سے عید الفطر کے خصوصی اجلاس کے دوران کیا۔ انہوں نے بتایا کہ کسی بھی ہنگامی صورتحال سے نمٹنے کے لئے پورے ضلع میں کی پوائینٹس بنائے گئے ہیں جہاں ریسکیو کی گاڑیاں عید الفطر کی نماز سے قبل موجود ہوں گی،کی پوائینٹس چکوال،کلرکہار،تلہ گنگ،چواسیدن شاہ اور لاوہ میں بنائے گئے ہیں جبکہ ڈیزاسٹر مینجمنٹ اینڈ فائر فائیٹنگ ٹیم اسٹیشن پر 24گھنٹے الرٹ رہے گی،کنٹرول روم میں کال ریکارڈنگ سافٹ وئیر،آئی پی کیمرے اور وہیکل ٹریکنگ سسٹم سے نگرانی کی جائے گی  ۔ بعد ازاں ساجد حسین ایمرجنسی آفیسر نے  مزید تفصیلات بتاتے ہوئے کہا کہ ایمرجنسی پلان کے مطابق 9ایمبولینسز،ایک ریسکیو وہیکل اور 3فائر وہیکلز کسی ناگہانی صورت حال سے نمٹنے کے لئے تیار کر دی گئی ہیں تمام شعبہ جات کے انچارجز بھی باقاعدہ روسٹر کے مطابق روزانہ کی بنیاد پر ڈیوٹی آفیسر کے فرائض سرانجام دیں گے،انہوں نے میڈیا نمائندگان کے ذریعے عوام سے  اپیل کی ہے کہ عید کی خوشیوں میں غریب، بے سہارا اور موجودہ صورتحال میں بے روزگار ہونے والے افرادکوبھی شامل کریں،سیروتفریح سے اجتناب کریں بلکہ حفاظتی انتظامات کے پیش نظر اپنے گھروں میں رہیں اورکم عمر بچوں کو موٹرسائیکل چلانے کی اجازت  ہر گزنہ دیں، کسی بھی قسم کی ایمرجنسی کی صورت میں ریسکیو ہیلپ لائن نمبر1122پر کال کریں۔  اجلاس کے اختتام پر ملک و قوم کی سلامتی کے لیے دعا کی گئی اس موقع پر ٹرانسپورٹ انسپکٹر فیصل محمود،اسٹیشن کوارڈینیٹر ارسلان ادریس،تمام شفٹ انچارجز، دیگر ایڈمن سٹاف اور میڈیا کوارڈینیٹر خرم منظوربھی موجود تھے۔ PUNJAB EMERGENCY SERVICE RESCUE 1122 CHAKWAL No:MC/CHK(38-21)     Date:08-05-21 میڈیا کوارڈینیٹر ریسکیو 1122چکوال Contact:0334-8744708 Email:avc.chakwal@gmail.com